ਤੇਰੇ ਤੁਰ ਜਾਣ ਪਿੱਛੋਂ

ਮੈਂ ਇਹ ਮਹਿਸੂਸ ਕੀਤਾ ਕਿ ਸਾਡੇ ਪੰਜਾਬੀ ਪਰਿਵਾਰਾਂ ਵਿੱਚ ਦੁੱਖ ਦੀ ਅਵਸਥਾ ਨਾਲ ਨਿਪਟਣ ਦਾ ਕੋਈ ਸਾਰਥਕ ਤਰੀਕਾ ਨਹੀਂ ਹੈ ਅਤੇ ਇੱਕ ਬਹੁਤ ਵੱਡਾ ਖਾਲੀਪਨ ਹੈ। ਕੁਝ ਕੁ ਧਾਰਮਿਕ ਰੀਤੀਆਂ ਤੋਂ ਬਾਅਦ ਪਰਿਵਾਰ ਆਪਣੇ ਹਾਲਾਤਾਂ ਅਨੁਸਾਰ ਹੀ ਜਿਉਂਦਾ ਹੈ। ਅਸੀਂ ਅਜਿਹੇ ਦੁੱਖ ਵਿਚੋਂ ਗੁਜਰ ਰਹੇ ਪਰਿਵਾਰਾਂ ਦੀ ਮਨੋਦਸ਼ਾ ਨੂੰ ਸਮਝਣ ਦੀ ਕੋਸ਼ਿਸ਼ ਨਹੀਂ ਕਰਦੇ। ਸਾਡੇ ਕੋਲ ਅਜਿਹੀ ਕੋਈ ਸੰਸਥਾ ਵੀ ਨਹੀਂ ਹੈ ਜਿੱਥੇ ਰਾਬਤਾ ਕਰਕੇ ਕੋਈ ਮਦਦ ਲਈ ਜਾ ਸਕੇ। ਬਹੁਤ ਸਾਰੇ ਮਾਤਾ-ਪਿਤਾ ਡਿਪਰੈਸ਼ਨ ਦਾ ਸ਼ਿਕਾਰ ਹੋ ਜਾਂਦੇ ਹਨ ਜਾਂ ਫਿਰ ਘੁਟ-ਘੁਟ ਕੇ ਆਪਣਾ ਬਾਕੀ ਦਾ ਜੀਵਨ ਬਤੀਤ ਕਰਦੇ ਹਨ। ਇਹ ਕਿਤਾਬ ਅਜਿਹੇ ਪਰਿਵਾਰਾਂ ਦੀ ਮਦਦ ਦਾ ਇਕ ਉਪਰਾਲਾ ਹੈ।